Uani tarnip pissusaanik ilisimasalittut sulininni neqeroorutigisakka pillugit annertunerusumik atuarsinnaavutit. Nuummi najugaqarpunga, ulluinnarnilu pikkorissaanerit, supervisionernerit, oqaloqatiginninnerit saqqummiinerillu suliarisaralugit.
Ulluinnarni inuunerit iluarisimaarneruleruk
Kissaatigisannik allannguisinnaavutit
Inuunermi nuannaarfiit nukissaqarluarfiillu nalaattarpagut, aammalu unamminartunik qaangeruminaassinnaasunik nalaataqartarluta. Ilaannikkut pissutsit aalajangersimasut uteqattaartarput, imaluunniit sivisuallaamik artukkeqqasinnaasarluta. Taamaattoqartillugu tapersersorneqarneq aammalu pissutsinik takunnilluarnerulernissamut ikiorneqarneq iluaqutaasinnaasarput.
Oqaloqateqarnikkut misissorneqarsinnaapput pissutsit utikaajaartut taassumallu iluani eqqarsaatsit, misigissutsit aammalu misilittakkat ilinnut sunniutillit. Taakkua imminut qanoq ataqatigiinnersut paasineruleraanni alloriaqqainnissaq ajornannginnerulertarpoq. Toqqissisimasumik paasineqartumillu oqaloqateqarneq inuttut tuallannissamut ineriartoqqinnissamullu nukissanik tunisisinnaavoq.
Kiffartuussinerit
Oqaloqatigiinnikkut misissueqatigiinnikkullu imminut inuuninnilu pissutsinut paasinninnerulersinnaavutit. Paasinninnerulerneq angorusutavit tungaanut alloriarnissamut aqqutissiuussisinnaavoq.
Kiffartuussinerit ataanni suliarisartakkakka pillugit atuarsinnaavutit.